مقطع فیدیو للشاعر ملا فاضل السکرانی

الحــــمد للّــی جعــل شخصک یــــــّرنه

اعیـــــونی لا تظن غیـــــرک یـــــــّرنــه

أذا دهـــــری علــن واحکــم یـــــّرنـــه

رضیت اولا یشـــح شخصــک علیــه

ســن ضلعــــی الهــجر یا صــاح وحـــده

اوظــل گلبـــی ینوح اویجــــــر وحــــــده

عله ظعن الأحبـــــــه ابلیــــل وحـــــــده

اولهیب الـــشوگ شب نیران بیـــــــــه

الالف:آه امن الدهر یا طاها
اقصور شُمخ اویه الارض وطاها
الالف:آه امن الدهر و صروفه
صارویه اهل العلم بد شوفه
لا تکشف کل حچی وتشوفه
رُبما جیفه اوشلت مُغطاها



الباء:بعد دنیاک ما تسوه تعب
خالفت یاصاح وإن جرهاسحب
کل سفیه ال طمع بیهه ولعب
تاه منهه وما عرف معناها




التاء:تواضع وإفتکر وانظر بعید
او لا یغرک لون ملبوسک جدید
وین کسری او وین هارون الرشید
وین عاد الجابهه او وداها


الثاء:ثبت معلوم عند اهل الفهم
مثل ما تکرم جبیلک تِنکرم
ولیشتم الناس لابد ینشتم
والزِلم تدری الذی یدراها


الجیم:جرح السیف مع جرح السنان
اهون علی الناس من جرح اللسان
حیث جرح السیف یبریه الزمان
او چلمتک للموت عیب انساها



الخاء:خلیل اللی تمنیتهِ دِرِع
صار لکن للعده عِز ومِنع
ردت بیه اصیبن وانتفع
صاب وأجرح چبدتی وادماها



الدال:دار الذل بیه لاتعیش
واسعه ارض الله عگلک لایطیش
غیر دارک دار یحصلک عریش
مثل روحک روح ماکوا سواها



الذال:ذِم إالدار ورحل بلعجل
اولا تدحلب لو رِدت تعمل عَمل
الما الک بکنافهه ناگه وجَمل
لیش تتحمل ثقل بلواها



الراء:روحک ریحهه أوسلیهه
دیر فکرک وإنظر التالیهه
بعدهم دنیاک إتأمِن بیهه
اشعاجبک منهه وتحب ممشاها



الزاء:زهت لزیاد یوماً حبته
خالفت بأیام غیره أو ذلته
رتبت واحد أو واحد خلته
إلی کان إبسَفلها سُگم بَعلاها




السین:سَلِم رایم الی رب اِلبشر
اعرف التکلیف وإقنع بالشجر
یرجمون الناس مَن بیه الثمر
والخلیه ما أحدید ناها



الشین:شِم برق المعالی بلخیال
لا تعدی ایام عُمرک بلکسال
الما یذود السیف عن حوضه الرجال
إتهدمه او تبنی علی مبناها



الصاد:صاحبلک وَرِع من جد و جد
لا تذم اخلاقها و تحقرأحد
إنما البگه دِمت عین الاسد
حیرته وامتحن بدواها



الضاد:ضَبع الـ بالرخی عَنک یصد
لاتظن ابلازمک یصفی اویجد
اربعین مصباح لوصار إبعجِد
عوجته تظهر علی مجراها



الطاء:طاهر گال دِع عن الفکر
واعتبر بلفات إتمَنَ شهر
مثب ما أضحکک یبکیک الدهر
لاتشوف اسرورها او تنساها



الظاء:ضدک لو نزعلک بلمضیج
ذاک عاقل بلحرب ماهو شفیج
والعدو العاقل اخیر من الصدیق
لو سمح بجهالته او اداها




العین:علی الخاطر ابرکب الهِجن
لا تمنینی أموتن بالسحَن
لو متت عطشان عسی ماء المزن
لا یطیح ولا یبل أثراها



الغین:غیر اهل العقائد والیقین
ما أشوف ابهل زمن واحد أمین
لا یغرک هل کعک هالعجین
اخشونته إبنفس الخبُز تلگاها



الفاء:فمک لو کان ساکن یحرسک
لا تحرکه بالمجالس یفرسک
أفلح ابهل قول کل مَن درسک
وگع بیهه او خاب من دساها



القاف:قَلَت حیلته او صار الفقیر
ایضوج مثل ام طوگ لو رادت تطیر
من تحط بالگاع،للگرجی تصیر
او من تطیر،الباز یتلگاها



الکاف:کَمن جاهل قضی العمر
قدمته او أخرت راعی البصر
عاتبت دنیای او أدت لي العذر
کل ذي ولدٍ تود ابناها



اللام:لا تحزن علی الفات او گضی
لا ولا تفرح بمن جاک ورضی
إنما الدنیا الحشد منها الفضاء
بلجحافل عافها او خَلاها



المیم:منهو الشاف فی هذا الدهر
نجم واحد ینکسف غیر القمر
هذه شُغل الدر فی عمق البحر
والجیف تطغی علی اعلاها



النون:نجمک لو سُگم تحت البروج
او نشف بحرک لاتهم بیهه او تضوج
ترفع الدنیا الفروج اعلی السروج
وارجال إتگودهه امن الحاها


الواو:ویه المیت ماینفع جواب
والدهر من عادته ایدور الخراب
ما تشوفه ترتوی امن الکلاب
والضیا غم ماتبل احشاها



الهاء:هوی مرکوبتی خلفی اوهوای
دوم جدامی او مطلوبی ضرای
ماشفت بالنار للظمآن مای
والسماحه بعد عیب ارجاها




الیاء:یبو یاسین عند اهل الفهم
الخیر بلدنیا یخص والشر یعم
والنبی المختار دار امن العلم
مایدهشه الجای مِن اگفاها



الهمزه:یا بعد هذا الکلام
یا أخی صلی علی خیر الانام
احمد المختار مصباح الظلام
مع إالعتره وصَحبته بتلاها
 

من عشرتک شایل قهر من گلبی

وچم بت گطع سهم الهجر من گلبی

حالف بعد جدمی الک من گلبی

حد ما تجی تتوسل و تتعذر

علیت و مارحمنی وطنی حبک

غریب انا  وسکنتک وطنی حبک

تعال اوخلنی اشبگک وطنی حبک

 ابحلگک بلچی روحی اترد علیه

الوکت فرنی واسنین العمر ویهین

ذلیل الگوم بینه یسب ویهین

التزامط بی طلع حچای ویهین

ضحک یمی ورجع ذبنی ابهبیه

لاتلــي بســـک یگلبـــي لاتلـــــي

ولیش عفت اکتاب صبـــرک لاتلــي

امنین مالــــوتن زمــانـي لاتلــــــي

او وین ماعایــن امــوری امخربصات

اموت ابشـــوگ محـــبوبــي فلحیــــــه

ولغــــیره ما سهـــــر جفنـــي فلحیــــه

دیــرة هلــــي المعلـــومه فـــلاحیـــــــه

ابحضنـــــــهه اســـباع ربــت لثنیـــــــــه

نهتم باللسان، المااله ثانی

حیث السان طه، ابهدف ربانی

لاهوه انگلیزی، ولا هو عبرانی

و الواجب انوعی الغافی یخوانی

من غزو الکلام انلوع و انعانی

اصغی الهاالمقال الدمَّر السانی

بالکشتی تجانگ جیمی و جانی

دره و مارپیچی،تریلی لاگانی

رنگ استخونی، البعته پیکانی

کسر خواب عندی ورأسی أذّانی

گیجنه افلان ابهالسخنرانی

بالکوچه علی النفش ،اسطه زنجانی

بانک الکشاورزی، وام مانطانی

آشپز بالبسیج،و طرشو ذانی

سی ساعت عندی کلاس جبرانی

خانم گالت اپرس ما هو قرآنی

حطنی علی الشغل قرقوش، ماجانی

للحوضه ادخلت سرباز، منعانی

تطفر من الکوره لیش یا شانی

خوش ایطگ اگوال، التیم الایرانی

بازی چند چند ایران و آلبانی

بازی چهار هیچ بسود الالمانی

من هالحچی و غیره الما نعرف لونه

لیش ازناد نایم ما تندهونه

آنه بوصافك أدش وادي السلام

والله من خلقاك ضل مية سنه

آنه وانته حته اذا وسط الظلام

آنه چه وياك أحس عيشه ابهنه

اتوالف کل مـن اتعـده و کلـمــر
و تحسب کل فتی یوفی و کلمـر؟
مثل مضروب؛مرأشرب و کلمر
ومــــر بـالک تعـاشــر جـید نیّه

تعالي نسافر رغم الشتاء

و رغم العواصف رغم المطر

تعالي فماعاد يجدي البقاء

فهذا الطريق و ذاک السحر

تعالي فإنّي لمحت هناک

من البعد ضوءاً وراء النهر

لعلّي أتيتُ بحفنة نار

تضيءُ لنا الدرب حين السفر

تعالي فعيناک خلف المساء

تحوکان للصبح أحلی صُوَر

تعالي نسافر رغم الطريق

و اللظی في دمي و الحريق

و رغم التسکع دون اهتداء

وراء وميض الرؤی و البريق

سألقاك عند انتحار الظلام

علی ضفّة النور وقت السحر

لنمضي معاً من خلال الضياء

الی الفجر کي نستميت الضجر

تعالي فعيناك خلف المساء

تحوکان للصبح أحلی صور

عبدالعزيز حمادي